Қазақстан Республикасы Денсаулық сақтау және әлеуметтік даму министрі Т.Қ. Дүйсенованың Жеңіс күнімен құттықтауы

Құрметті ардагерлер, Отанымыздың қорғаушылары!

Сіздерді шын мәнінде бүкілхалықтық сипатқа ие, қасиетті мереке – Жеңіс күнімен құттықтаймын! Бұл күні қан майданда қаза тапқан батырларымызды еске алып, арамызда аман жүрген ардагерлерге құрмет көрсетеміз. Жеңіске зор үлес қосқан тыл еңбеккерлерін ардақтаймыз.

Ата-әжелеріміздің көрсеткен ерен ерлігі әрбір отбасына бақ-береке орнатып, көп ұлтты елімізді гүлдендіру бағытында атқаратын ісімізде барлығымызға күш-жігер береді. Қолына қару алып жаумен шайқасқан және тылда аянбай еңбек еткен қаһармандар әрқашан жадымызда болады.

Өкінішке орай, жыл өткен сайын Ұлы Отан соғысы ардагерлерінің қатары сиреп барады. Бүгінгі басты міндетіміз – сол сұрапыл соғыс жылдарының тарихи шындығын, қаза тапқан және тірі жүрген қаһармандар туралы естелікті сақтау. Ардагерлеріміздің өмірін жайлы етіп, оларға қамқорлық жасау - біздің міндетіміз әрі парызымыз.

Ұлы Жеңістің 70 жылдығы қарсаңында Отан қорғаушылар күнін атап өтуіміздің маңызы зор. Тәуелсіз Қазақстанның қорғаушылары аға буынның игі дәстүрін жалғастырып, нағыз отансүйгіштіктің үлгісін көрсетіп келеді.

Осы мереке күндері шын жүректен барлықтарыңызға мықты денсаулық, бақ-береке және ұзақ ғұмыр тілеймін. Аспанымыз ашық, көңіліміз жарқын болсын! Жеңіс күні құтты болсын! Бейбіт өмір сыйлағандарыңыз үшін сіздерге бас иеміз!

Біз әрқашан сіздерден Отанға деген шынайы сүйіспеншілікті, мықтылықты және ерен ерлікті үйрене береміз!

ҚР Денсаулық сақтаужәне әлеуметтік даму министрі

Т.Қ.Дүйсенова

• 07.05.2015
• 14973