Қызмет алушылардың құқықтарын сақтау, қорғау және қалпына келтіру – басты назарда

ҚР Мемлекеттік қызмет істері агенттігінің жанындағы мемлекеттік қызмет көрсету саласындағы құқық бұзушылықтардың профилактикасы мәселелері жөніндегі консультациялық-сараптама тобының отырысы өтті. Отырысқа Агенттік Төрағасы Дархан Жазықбаев төрағалық етті.

Топ құрамы жаңа мүшелермен толықтырылып, қатарына «Серпін» Ұлттық білім және инновациялар палатасының төрағасы М. Ә. Әбенов, ҚР Президентінің жанындағы Мемлекеттік басқару академиясының ректоры Е.Қ. Әбіл, «Еуропалық құқық және адам құқықтары институты» жеке қорының директоры М.С. Башимов, Мемлекеттік қызмет саласындағы Астана хабының Үкіметпен өзара қарым-қатынастар және құқықтық мәселелер жөніндегі кеңесшісі Қ.К. Қадырбеков, «Атамекен» Ұлттық Кәсіпкерлер Палатасының Басқарма төрағасының орынбасары Е.Л. Өстеміров, «Стратегиялық бастамалар орталығы» консалтингтік компаниясының аға серіктесі О.Ә. Құдайбергенов қосылды.

Аталған шараның күн тәртібінде мемлекеттік қызметті көрсетуден бас тартуға қатысты талдау нәтижелері, мерзімдерін сақтау және өңірлік деңгейде мемлекеттік қызметті көрсету кезінде туындайтын бірқатар мәселелер қаралды.

Агенттік Төрағасы «азаматтарға мемлекеттік қызметтерді көрсетуден бас тарту фактілерін болдырмау, қызмет көрсету кезіндегі әкімшілік пен бюрократиялық кедергілерді жою, азаматтардың мемлекеттік билік институттарына деген сенім деңгейін арттыру мәселелеріне баса назар аудару қажеттілігін» атап өтті.

Сондай-ақ, Агенттіктің Қостанай және Солтүстік Қазақстан облыстары бойынша аумақтық департаменті басшыларының мемлекеттік қызмет көрсету сапасын арттыруға қатысты атқарылған жұмыстар туралы баяндамасы тыңдалды.

Отырыстың қорытындысы бойынша, ақпараттық жүйелерде мемлекеттік қызмет көрсету тәртібі туралы мәліметтерді өзектендіру, қызмет берушілердің біліктілігі мен құқықтық сауаттылығын арттыруға байланысты нақты ұсынымдар енгізілді.

• 19.05.2022
• 246