ТҮРКІСТАНДАҒЫ МЕКТЕПТЕ КҮН ЭЛЕКТР СТАНЦИЯСЫ САЛЫНДЫ

Ғылым мен техника дамыған әлемде жаңартылатын энергия көздерін қолдану, «жасыл энергия» көздерін пайдалану үлкен маңызға ие. Түркістан облысында жаңартылатын қуат көздерін қолдану және энергия үнемдеу бағытында бірқатар жобалар жүзеге асырылуда. 
Бүгін өңірге әлемге әйгілі компаниялардың басшылары мен өкілдері келіп, осы саладағы әріптестікті талқыладық. Жаңартылатын энергия көздері саласында облыс айтарлықтай ресурстық әлеуетке ие. Өңірде жалпы қуаты 220 МВт болатын 20-ға жуық жаңартылатын электр көздері нысаны жұмыс істейді. Облыс электр энергиясын импорттайтындықтан бұл салаға баса мән берудеміз. Аймақта қуаты 1000 МВт болатын электр станциясы салынып жатыр. 
Түркістан облысының әкімдігі «Eni» компаниясы мен БҰҰ Қазақстандағы Даму бағдарламасымен бірлесе отырып, Түркістандағы Ж.Тәшенов атындағы мектепте жаңартылатын энергия көздері технологияларын енгізу жұмысын аяқтаған болатын. Серіктестермен бірге мектеп қабырғасына барып, жоба нәтижесін көрдік. Енді аталған мектеп күн энергиясын тиімді пайдаланып, «Жасыл энергияға» көшті. 
«Eni» компаниясы Қазақстан Республикасында 1992 жылдан бері жұмыс істеп келеді. Қазіргі таңда бұл компания Шәуілдір ауылының қасында қуаты 50 МВт болатын күн электр станциясының құрылысын жүргізуде.
Біз «Жасыл» экономиканы дамыту, қоршаған ортаға зиянсыз энергия өндіру бағытына басымдық беріп, бірлескен жұмыстарды жалғастырамыз.

• 19.05.2022
• 311