Бақыт Сұлтанов САК Инвестициялар министрі Х. Әл-Фалихпен келіссөздер жүргізді

ҚР Премьер-Министрінің орынбасары - сауда және интеграция министрі Бақыт Сұлтанов САК Инвестициялар министрі Х. Әл-Фалихпен келіссөздер жүргізді.

Кездесу барысында тараптар өзара сауданы кеңейту жолдарын талқылады.

Бақыт Сұлтановтың айтуынша, бүгінде саудада оң серпіліс байқалады. Өткен жылдың қорытындысы бойынша Қазақстан мен Сауд Арабиясы арасындағы тауар айналымы 2 есе өсіп, $8,6 млн құрады.

«Біз Сауд Арабиясына экспортты 3,8 есеге ($5,4 млн.) ұлғайттық, өз кезегінде Қазақстанға импорттық жеткізілімдер 15,3% - ға ($3,1 млн.) өсті», - деді Бақыт Сұлтанов.

Тауар айналымы өсуінің оң серпіні биыл да сақталып отыр, 1-тоқсанының қорытындысы бойынша да 16,4% - ға өсті ($1,5 млн.құрады). Экспорт 50,7% - ға өсіп, $1,3 млнға жетті. Импорт 42,8% - ға төмендеп, $281,4 мың болды.

Тараптар сауданың осы серпінін сақтау мақсатында жеткізілетін тауарлар номенклатурасын әртараптандыру және кеңейту жөніндегі жұмысты жалғастыру қажеттігін атап өтті.

Анықтама: 2021 жылғы 24 желтоқсандағы Үкіметаралық комиссияның 5-ші отырысының қорытындысы бойынша ҚР дипломатиялық арналары бойынша жалпы сомасы $398,5 млн. құрайтын 100 тауар позициялары бойынша экспорттық-патриоттық өнімдер тізбесі жіберілді, бұл металлургия (сомасы $233 млн.), тамақ (сомасы $97,4 млн.), химия (сомасы $27,9 млн.), машина жасау ($20,8 млн.сомасына), жеңіл ($8,1 млн. сомасына), фармацевтикалық ($6,6 млн. сомасына) салаларының өнімдері, сондай-ақ құрылыс тауарлары ($4,8 млн. сомасына).

Сондай-ақ, тараптар іскерлік және туристік белсенділікті ынталандыруға мүмкіндік беретін тікелей әуе қатынастарын ашу мәселесін талқылады.

Өткен жылдың тамыз айында Сауд Арабиясы Қазақстан туристері үшін жеңілдетілген визалық режимді енгізгенін атап өтеміз. Қазақстан, өз кезегінде, САК азаматтары үшін визасыз режимді жаңартты.

• 23.05.2022
• 211