ЭЛЕКТР ЭНЕРГИЯСЫНА ТАРИФТЕРДІ ТҰТЫНУШЫЛАР ТОБЫ БОЙЫНША САРАЛАУДЫ КЕЗЕҢ-КЕЗЕҢМЕН ЖОЮ БОЙЫНША ПИЛОТТЫҚ ЖОБА

17 мамырда Алматы қаласында электр энергиясына тарифтерді саралауды жою бойынша пилоттық жоба таныстырылды. Жобаны 2022 жылдың екінші жартыжылдығында іске қосу жоспарланып отыр. Кездесуге пилоттық жобаға қатысушы мемлекеттік органдардың, қауымдастықтардың, қоғамдық ұйымдардың өкілдері, сарапшылар қатысты.

Бүгінгі күні энергиямен жабдықтаушы ұйымдардың (ЭЖҰ) тарифтері тұтынушылардың топтары бойынша: тұрмыстық, заңды тұлғалар және бюджеттік ұйымдар болып сараланады. Тұрмыстық тұтынушылар үшін тарифтер заңды және бюджеттік тұтынушылар үшін жасанды өсу есебінен төмендеу жағына қарай сараланады. Нәтижесінде бүкіл ел бойынша ШОБ жыл сайын 31 млрд теңгені артық төлейді.

Кәсіпкерлікті дамыту жөніндегі ұлттық жоба шеңберінде бірнеше жыл бойы тарифтерді саралауды кезең-кезеңмен қысқарту және алып тастау бағдарламасы көзделген. 2022 жылғы 2 наурызда ел Президентінде өткен энергетика және инженерлік инфрақұрылымды дамыту мәселелері жөніндегі кеңесте осы жұмысты пилоттық режимде 3 өңірде – Алматы, Батыс Қазақстан және Қостанай облыстарында бастау тапсырылды. Тарихи тұрғыдан алғанда электрмен жабдықтау қызметтерін әрқашан бір монополиялық компания көрсеткен, бүгінгі күні реттелетін 36 энергиямен жабдықтаушы ұйым, оның әрқайсысы жеке бір өңірде қызмет көрсетеді. Осыған орай тұтынушыға бір ғана жеткізуші қызмет көрсетеді. Сонымен қатар, қазіргі кезде электрмен жабдықтау қызметі заңды түрде бәсекелес ортада тұр. 36 электрмен жабдықтау ұйымынан басқа Қазақстанда 180-нан астам баламалы электрмен жабдықтау ұйымы жұмыс істейді, әрбір өңірде олардың саны 5-еуден кем емес. Тұтынушылар тобы бойынша тарифтерді саралау - бұл бұрыннан келе жатқан және жаңа электр энергиясын жеткізуші компаниялар арасындағы бәсекелестікті шектейтін себептердің бірі, тиісінше тұтынушының электрмен жабдықтау ұйымдарын таңдау және оны ауыстыру құқығы шектеледі. Саралау арқылы жасырын субсидиялау жүреді -энергияны көп жұмсайтын адам көбірек субсидия алады. Әлеуметтік қолдаудың басты қағидаты - оның атаулылығы сақталмайды. 

Халықтың әлеуметтік мұқтаж топтары үшін тариф өзгермейді - айырманы оларға атаулы тұрғын үй көмегі есебінен мемлекет субсидиялайтын болады Алматы қаласы, БҚО және Қостанай облыстарының тұрғындары үшін электр энергиясы үшін орташа чек тұтынылатын энергия көлеміне байланысты орта есеппен 200-300 теңгеге артады.

• 24.05.2022
• 335