Министрлігіміздің қызметкерлері арасында велошеру ұйымдастырдық

Министрлігіміздің қызметкерлері арасында велошеру ұйымдастырдық. Осылайша, ерлер 20 шақырымды, ал нәзік жандыларымыз 3 шақырымдық қашықтықты бағындырды. 

Вице-министр әріптестерімізбен қатысушыларға қолдау көрсету үшін велошеруге жарыстан тыс қатыстық. Олармен бірге 20 шақырым жолды жүріп өттік. 

Қызметкерлеріміздің балалары да бұл күні назардан тыс қалған жоқ. Олар ашық аспан астында ұйымдастырылған конкурстар мен спорттық ойындарға қатысты.

Негізінде бұл спорттық іс-шараны ұйымдастыру жоспарымызда бұрыннан болатын. Жалпы мұндай шаралар ұжымның ұйымшылдығын арттырып, қызметкерлеріміздің денсаулығын нығайтады. Қазақта «Шынықсаң, шымыр боларсың» деген жақсы сөз бар. Сондықтан әрқашан салауатты өмір салтын сақтап жүрейік!

• 24.05.2022
• 245