Халықаралық қаржы ұйымдарының қазақстандық эмитенттермен кездесуі туралы

Қазақстан Республикасының Қаржы нарығын реттеу және дамыту агенттігі мен «Қазақстан қор биржасы» АҚ «жасыл» және өзге де орнықты даму облигацияларын шығаруға қаржыландыру тарту мәселелері бойынша халықаралық қаржы ұйымдарының қазақстандық эмитенттермен кездесуін өткізді.

Іс-шараға орнықты жобаларға инвестициялар салу негізгі басымдықтарының бірі болып табылатын Біріккен Ұлттар Ұйымының, Еуропа қайта құру және даму банкінің, Халықаралық валюта қорының, Дүниежүзілік банктің, Халықаралық қаржы корпорациясының және Азия даму банкінің өкілдері қатысты.

Халықаралық ұйымдардың өкілдері орнықты қаржыландыруды дамыту саласындағы өз бастамалары, сондай-ақ олардың қазақстандық эмитенттердің жобаларына инвестор ретінде қатысу мүмкіндіктері туралы хабардар етті.

Осы кездесудің қорытындысы бойынша эмитенттер орнықты және «жасыл» құралдарды шығаруға қызығушылық танытты.

Агенттік және KASE, өз кезегінде, Қазақстанда орнықты қаржыландыру құралдарын дамыту жұмысын жалғастыратын болады.

• 25.05.2022
• 310