Өнеркәсіптік қауіпсіздік саласында мемлекеттік қызмет көрсету саласындағы өзгерістер мен толықтыруларға қатысты

2022 жылғы 26 мамырда Қазақстан Республикасы Әділет министрлігінде «Өнеркәсіптік қауіпсіздік саласында мемлекеттік қызметтер көрсету саласындағы кейбір бұйрықтарына өзгерістер мен толықтырулар енгізу туралы» Қазақстан Республикасы Төтенше жағдайлар министрінің 2022 жылғы 24 мамырдағы № 170 бұйрығы мемлекеттік тіркеуден өтті.

Бұйрықпен тыңдау рәсіміне қатысты мемлекеттік қызметтер көрсету кезінде әкімшілік рәсімдерді жүзеге асырумен байланысты қатынастар бөлігінде Қазақстан Республикасының Әкімшілік-рәсімдік кодексінің жекелеген талаптарын іске асыру көзделген.

Өзгерістер мемлекеттік қызмет көрсету тәртібін реттейтін 8 нормативтік құқықтық актіге қатысты болды.

Бұл жаңашылдықтар мемлекеттік қызмет көрсетуден бас тарту үшін негіздер анықталған жағдайда мемлекеттік қызмет көрсету шеңберінде көрсетілетін қызметті алушыларға алдын ала шешімге өз ұстанымын білдіруге мүмкіндік береді.

Осылайша, бүгінгі күні мемлекеттік қызметтер көрсету тәртібін регламенттейтін өнеркәсіптік қауіпсіздік саласындағы барлық нормативтік құқықтық актілер қолданыстағы заңнамаға сәйкес келтірілді.

Сондай-ақ, бұйрықты іске асыру республикалық бюджеттен қосымша қаржы шығындарын талап етпейтінін және теріс әлеуметтік-экономикалық, оның ішінде құқықтық салдарға әкеп соқпайтынын атап өтеміз.

Бұйрық алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі және нормативтік құқықтық актінің қолданысқа енгізілуіне байланысты кәсіпкерлік субъектілерінің шығындарын ұлғайтуды көздемейді.

• 31.05.2022
• 230