Қазақстан мен Әмірліктер арасындағы кезекті консулдық консультациялар отырысы өтті

Нұр-Сұлтан, 2022 жылғы 31 мамыр – Қазақстан Республикасы мен Біріккен Араб Әмірліктері арасында консулдық консультациялардың үшінші отырысы бейне конференция арқылы өтті.

Отандық делегацияны ҚР Сыртқы істер министрлігі Консулдық қызмет департаментінің директоры Бауыржан Ақатаев, әмірліктердің делегациясын БАӘ Сыртқы істер және халықаралық ынтымақтастық министрлігі Консулдық қызмет департаментінің директоры Маджид әл Мансури жетекшілік етті.

Іс-шара барысында тараптар консулдық саладағы екіжақты ынтымақтастықтың мәселелері бойынша пікір алмасты. Атап айтқанда, тараптар өзара консулдық-құқықтық және визалық, оның ішінде екі ел азаматтарының құқықтары мен мүдделерін қорғау мәселелерін жан-жақты талқылады. Сонымен қатар, туризм және денсаулық сақтау салаларында ынтымақтастықты одан әрі нығайту жолдары қарастырылды.

• 01.06.2022
• 221