Халықаралық балаларды қорғау күні құтты болсын!

Халықаралық балаларды қорғау күні құтты болсын!

Мемлекет басшысы Қасым-Жомарт Тоқаев 2022 жылды елімізде "Балалар жылы" деп жариялап, оларды қорғау үшін денсаулық сақтау, білім беру, әлеуметтік қолдау бағытында нақты шаралар қолға алынуы керек екеніне баса назар аударған болатын. Осы ретте биыл кішкентай бүлдіршіндерімізді қорғауға, сапалы біліммен қамтуға, білім алуда ерекше қажеттіліктері бар балалардың денсаулығын нығайтуға ерекше көңіл бөлініп отыр.  Өйткені өскелең ұрпаққа жасалатын жағдай — мемлекетіміздің табысты болашағының сенімді кепілі болып табылады. 

Әлбетте, бала үшін отбасында алатын тәрбиенің орны ерекше. Сәйкесінше, оны жеке тұлға ретінде қалыптастырып, ұлттық құндылықтарымызды бойына сіңіре отырып тәрбиелеуде ата-ана мен көнекөз қарияларымыздың атқаратын рөлі зор екені айқын. Сондықтан бүлдіршіндерімізге бақытты балалық шақ тілей отырып, олардың ата-аналары мен ата-әжелерін де құттықтаймын! Баршаңызға мықты денсаулық, баянды бақыт тілеймін!

• 01.06.2022
• 237