ТҮРКІСТАНДА ӨНДІРІС ОРЫНДАРЫН КӨБЕЙТУ – УАҚЫТ ТАЛАБЫ

Түркістанға Түркия, Әзірбайжан, Қырғыз Республикасы және Өзбекстан елдерінен делегация келді. Мақсат – «TURAN» арнайы экономикалық аймағының жоспарымен, ұйымдастыру барысымен, мүмкіндіктерімен танысу. Оларды бастап келген Түркі Кеңесі Бас хатшысының орынбасары Өмер Кожаман экономикалық аймақ іске қосылса, Түркия кәсіпкерлері мен инвесторларының Түркістанға келу мүмкіндігі артатынын мәлімдеді.  Біз «TURAN» арнайы экономикалық аймағын құрып, жұмысын бастаудан үміттіміз. Бүгінде Мемлекет басшысы Қасым-Жомарт Тоқаевтың бұл идеясын жүзеге асыру бағытында жұмыс жүріп жатыр. Индустрияны дамыту жағынан Түркияның үлкен тәжірибесі бар. Бұл – халықаралық деңгейдегі экономикалық аймақ болуы керек. Түркістанда индустриалды аймақ, арнайы экономикалық аймақ құрылған. Енді ол тағы бір экономикалық аймақпен толығады. Жергілікті әкімдік тарапынан «TURAN» арнайы экономикалық аймағына жер беріп, инфрақұрылымын жасақтауға қолдау көрсетуге дайынбыз. Кездесуде осы мәселелер талқыланып, әріптестікті нығайту жөнінде уағдаластық.

• 01.06.2022
• 268