ТҮРКІСТАН – ӨНЕР МЕН МӘДЕНИЕТ ОРДАСЫ

Түркістан қаласында төрт жылға жуық уақыт ішінде бірқатар мәдени нысандар бой көтеріп, халыққа қызмет етіп келеді. Орта Азия елдері арасындағы байқаулар да Түркістан төрінде өтіп жатыр. Бұл – Түркістанның тек құрылыс емес, руханият ордасына айналып келе жатқанының белгісі.

Балаларды қорғау күні мерекесінде Түркістан қаласында алғаш рет «Жұлдызай» инклюзивті балалар шығармашылығы фестивалі өтті. Қайырымдылық фестивалінің гала-концертіне 200-ге жуық бала қатысты. Барлық жақсы бастама киелі Түркістанда басталуы керек деп ойлаймын. Осы фестивальді жыл сайын Түркістанда өткізу жөнінде ұсынысымды айттым. Мұндай іс-шараларды жоғары деңгейде өткізуге толық мүмкіндігіміз бар.

Концерттен ерекше әсер алдым. Балалар би өнерін керемет меңгерген. Есту қабілеті шектеулі екенін көп адам білмей де қалды. Өте жақсы өнер көрсетті. Әрбір баланың шығармашылығы бізге қуаныш сыйлады. Облысымызда, Түркістан қаласында балалар үшін тек Балаларды қорғау күні емес, жылдың барлық күнінде тиісті жағдай, қолдау жасалады.

• 02.06.2022
• 342