Бүгін Батыс Қазақстан облысына іс-сапармен келдім.

​​⚜️Бүгін Батыс Қазақстан облысына іс-сапармен келдім. Негізгі мақсатым – өңірдегі республикалық маңызы бар жолдардағы жөндеу жұмыстарын қадағалау. Алдағы екі күнде Оралдан Атырауға дейін көлікпен жүріп өтіп, жолдағы құрылыс жұмыстарының жай-күйімен егжей-тегжейлі танысуды жоспарлап отырмын.

Негізінде, жұмыс орнында отырып, мәселені сырттай бақылап тапсырма беру бір басқа, «100 рет естігенше, бір рет көр» демекші, жұмыстар жүргізіліп жатқан жерге келіп, өз көзіңмен көру бөлек.

Мемлекет басшысы Қасым-Жомарт Кемелұлы жол мәселесіне ерекше назар аударып отыр. Бүгінде Батыс Қазақстан облысындағы «Казталовка – Жәнібек – РФ шекарасы» және «Өнеге – Бисен – Сайқын» автожолдарында жалпы ұзындығы 248 шақырымды құрайтын жолдарда күрделі жөндеу жұмыстары жүріп жатыр. Қазіргі таңда аталған көлік дәліздерінің 55 шақырымы пайдалануға берілген. 

Сапар барысында мердігер компания өкілдерімен кездесіп, қойылған міндеттемелерді уақытылы және тиімді орындауды тапсырып келемін. Сондай-ақ жөндеу жұмыстары кезінде сапаға жіті назар аудару қажеттігін ескертудемін. "ҚазАвтоЖол "ҰК" АҚ басшылығына бірқатар тапсырмалар жүктеп, құрылыс жұмыстарын ілгерілетуге қатысты жекелеген мәселелерді өз бақылауыма аламын.

Екі күн бойы жол үстінде боламын. Уақыт ыңғайына қарай ел шетіндегі алыс ауылдардың кейбіріне соғып, тұрғындармен пікірлесу жоспарымда бар.

Ал, мынау бүгін-ертең жүріп өтетін жолдың жоспары⤵️

Орал қ. ⏩ Казталовка ауылы ⏩ «Казталовка – Жәнібек – РФ шекарасы» автожолы ⏩ «Өнеге – Бисен – Сайқын» автожолы ⏩ Хан Ордасы ауылы ⏩ Кұрманғазы ауылы (Ганюшкино) Атырау облысы ⏩«Атырау-Астрахань» автожолындағы құрылыс жұмыстары жүріп жатқан учаскі ⏩ Атырау қ.

• 02.06.2022
• 1017