Мемлекет басшысына сапарым

Мемлекет басшысына еліміздегі заңдылықтың жай-күйі және жекелеген бағыттар бойынша жұмысымыздың қорытындылары туралы баяндадым.

Атап айтқанда, Президентке жыл басынан бері негізінен мемлекеттік сатып алу, денсаулық сақтау, экология, балалардың құқықтарын қорғау салаларында 7 мыңнан астам бұзушылықты жойғанымыз туралы ақпарат берілді.

Әкімшілік және тәртіптік жауапкершілікке 10 мыңнан астам мемлекеттік қызметші және квазимемлекеттік сектор қызметкері тартылды.

Мемлекетке 8 млрд теңге өтелді, шамамен 180 мыңға жуық адамның еңбек құқықтары қалпына келтірілді, 1 млрд теңгеден астам сомаға жалақы бойынша берешек өтелді.

Қылмыстық ахуал және қылмыстық процесте азаматтардың конституциялық құқықтарын сақтау бойынша шаралар, сондай-ақ қылмыстық процестің жаңа үш буынды моделін енгізу барысы туралы жеке-дара баяндалды. 

Референдум қарсаңында оны өткізудің заңдылығын қамтамасыз ету жөніндегі жұмыс туралы есеп бердім.

Қазір халықпен түсіндіру жұмыстарын және жағдайға мониторинг жүргізіп келеміз, кез келген бұзушылықтарға әрекет ететін боламыз.

• 03.06.2022
• 298