Халықаралық бақылаушылармен референдумға қатысты пікір алмастым

5 маусымда елімізде аса маңызды саяси оқиға өтеді. Ол – референдум. Осыған орай Қазақстанға шетелден бақылаушылар келіп жатыр. Түркістанға арнайы келген Түркия Жоғары сайлау кеңесінің төрағасы Мухаррем Аккая бастаған топпен кездестім. Пікір алмастық. Кездесу барысында референдумға дайындық жұмыстарының әділетті әрі ашық өтуіне мүдделі екендігімізді жеткіздік.
Жалпы бауырлас Түркияның Түркістанға деген ықыласы ерекше. Көп көмек көрсетіп жатыр. Өңірге бауырлас елдің басшылары, ірі саясаткерлері жиі келіп тұрады. Ірі инвесторлар қалада бірнеше жобаға инвестиция салды. Алдағы уақытта да бірлесе жұмыс атқарамыз. 
Бүгінде облыста насихаттық жұмыстармен қатар, сайлау учаскелерінің саяси науқанға дайындығы да жоғары деңгейде жүргізіліп жатыр. Бұл ретте, Түркістан облысы бойынша 900-ден астам сайлау учаскесінде 1,1 миллионнан астам адам дауыс береді.

• 03.06.2022
• 359