Төлебилік тұрғындардың айтары бар

Бүгін арнайы кестеге сәйкес Төлеби ауданына барып, халықпен кездесіп, өтініштері мен ұсыныстарын тыңдадым. Жалпы ауданның даму қарқыны жаман емес. Жұмыс атқарылып жатыр. Дегенмен шешілу ітиіс мәселелер де бар. Оны тұрғындардың сұрақтарынан да аңғардым. 
Алдымен спорт бәсекесін тамашалап, осы сала өкілдерімен жүздестім. Ойларын тыңдадым. Мен үшін спорттың орны айрықша. Ғалымдар деннің сау болуы 80 пайыз адамның өзіне, тек 20 пайызы ғана медицинаға байланысты екенін дәлелдеп отыр. Яғни спортпен шұғылданып, саламатты өмір салтын ұстансаңыз ғана денсаулық жақсы болады. Сондықтан оқушыларды біліммен қатар еңбек және спортқа баулу керек. Бұл бағытта өңірде жұмыс жүріп жатыр. Халықаралық талапқа сай стадион, спорт кешені салынды. Қазір Түркістанда ескек есу каналы, «Мұз» сарайы, Бекзат Саттарханов атындағы спорт кешені, халықаралық теннис орталығы салынып жатыр. Мәдени, білім нысандарын көбейту де жалғасады. 
Кездесуде Төлеби ауданын сапалы электр қуатымен қамту, Леңгірде көпқабатты үйлер салу, екі ауылдық округке Мәдениет үйін салу, мектептерге оқушылар тасымалдайтын автобус алу және өзге де мәселелер бойынша сұрақтарға жауап бердім. Бірнеше тұрғынды жеке қабылдап, өтініштерін тыңдадым. Ел ұсынысы назарда болады. 
Осы кездесулерде төлебиліктерді референдумге шақырдым. Бұл маңызды саяси оқиғаға Түркістан жұртшылығы белсенді қатысады деп сенемін.

• 03.06.2022
• 315