Түркістан облысында жыл басынан бері 4 мыңнан астам тұрақты жұмыс орны ашылды

Апталық аппарат отырысында бірқатар мәселе талқыланды. Биыл кәсіпкерлікті дамытуға арналған Ұлттық жобаның «Еңбек» бағыты бойынша 70 мыңнан астам азаматты қамту көзделген. Жыл басынан бері олардың 30 мыңға жуығы жұмыспен қамтылды. Аудан, қала бойынша жұмыспен қамту шараларын көрсету барысында Сауран, Төлеби, Бәйдібек аудандары төмен көрсеткіштерді көрсетті. Бұл туралы Түркістан облыстық жұмыспен қамтуды үйлестіру және әлеуметтік бағдарламалар басқармасының басшысы Әсия Темірбаева баяндады.

Мемлекет басшысының жыл сайын 10 мың тұрғынға 100 тұрақты жұмыс орындарын ашу жөніндегі тапсырмасы бойынша тиісті жұмыстар жүргізілуде. Осы ретте, облыстағы 820 мыңға жуық жұмыс күшін ескерсек, биыл 8 мыңнан астам нәтижелі тұрақты жұмыс орындарын ашу жоспарланды. Бүгінгі таңда аудан, қалаларда 4,2 мыңнан астам тұрақты жұмыс орны ашылып отыр.

• 08.06.2022
• 393