ҚР Денсаулық сақтау және әлеумемттік даму министрі Т.Қ. Дүйсенованың әлеуметтік қорғау жүйесінің қызметкерлері күнімен құттықтау сөзі

Құрметті әріптестер, әлеуметтік қорғау жүйесінің ардагерлері!

Міне, біз сіздермен төртінші жыл қатарынан қазан айының соңғы жексенбісінде әлеуметтік қорғау жүйесінің қызметкерлері күнін атап келеміз.

Айтулы мереке Мемлекет басшысының 2011 жылдың 20 қазанындағы қаулысымен бекітілген болатын. Бұл елбасының зейнеткерлердің игілігіне қызмет етіп, мүмкіндігі шектеулі адамдарға, көп балалы, аз қамтылған отбасыларына баға жетпес көмек көрсетіп отырған азаматтарға деген құрметі мен қамқорлығы.

Әлеуметтік қызметкерлер күні – еңбек жолы азаматтарға көмек көрсетумен тығыз байланысты адамдардың мерекесі. Өмірде қиын жағдайға тап болған азаматтар әлеуметтік қызметкерлердің қолдауының арқасында күрмеулі мәселелерді оңтайлы шешіп келеді.

Әлеуметітк қызметкер – мамандық емес. Бұл - ықылас. Қайғыға ортақтаса алатын, өзгелердің жанын түсіне алатын адамдар қашанда қоғамдық сұранысқа ие.

Өз міндеттеріңізді орындай отырып, сіздер барлық қамқорлыққа зәру адамдарға мейірімділік пен қайырымдылық, болашаққа деген жарқын үміт сыйлайсыздар. Сіздердің кәсіби қызметтеріңіз ізгілік, төзімділік, мейірімділік, әрдайым қол ұшын беруге дайын елгезектік сияқты адами қасиеттердің негізінде жүзеге асырылады.

Мемлекет басшысы өзінің "Қазақстанды әлеуметтік жаңғырту: Жалпыға ортақ еңбек қоғамына қарай 20 қадам атты бағдарламалық мақаласында: "Әлеуметтік мәселелерді шешуге еліміздің барлық азаматтарының өмірі мен күн сайынғы өзін өзі сезінулері тәуелді. Тәуелсіздік жылдарында Қазақстанда әлеуметтік мемлекеттің берік іргетасы қаланды. Қазақстан объективті түрде орташа Еуропа елдерінің әлеуметтік даму сапасы деңгейіне нақты жақындады, - деп атап айтқан болатын.

Сіздер ең ізгі мамандықтың тізгінін ұстай отырып, халықтың әл-ауқатын көтеруге бағытталған мәселелерді шешуде орасан зор үлес қосып келесіздер.

Бүгін мен әлеуметтік қорғау саласы ардагерлеріне шын ниетпен ризашылығым мен алғысымды білдіргім келеді. Сіздердің еңбектеріңіз ең мейірімді, жылы сөздерге лайық.

Барлық әлеуметтік қызметкерлерді кәсіби мерекемен шын жүректен құттықтаймын! Сіздерге ұзақ әрі мәнді өмір, дендеріңізге саулық, жақындарыңыз бен отбасыларыңызға амандық тілеймін!

ҚР Денсаулық сақтау және әлеуметтік даму министрі Тамара Дүйсенова

• 23.10.2015
• 15521