Ордабасының әлеуеті жоғары

Ордабасының әлеуеті жоғары

Ордабасы ауданында болып, тұрғындармен жүздестім. Алдымен «QazGarden» ЖШС-нің қарқынды бауының жұмысымен танысып, шаруалармен, кәсіпкерлермен кездестім. Кездесуде ауыл шаруашылығында жаңа технологияларды енгізу қажеттілігін қозғадық. Кәсіпкер тамшылатып суғару технологиясын қолдана отырып, 60 гектарға бау өсіріп отыр.

Біздің өңірдің басты артықшылығы – климатында. Ауыл шаруашылығын дамытуға өте қолайлы. Бір жылда 2-3 өнім алуға басымдық беру керек. Қазіргі таңда суды үнемдеу өте маңызды. Тамшылатып және жаңбырлатып суғару технологиясын ендіріп жатырмыз. Бұл ауданда да соған басымдық берілуі тиіс.

Сонымен қатар Темірландағы орталық алаңда тұрғындардың сұрақтарына жауап беріп, ұсыныстарын тыңдадым. Кездесуде тұрғындар тарапынан көптеген мәселелер көтерілді. Ауданда мұнай өңдеу зауыты ашылады. Ол өңір экономикасына оң серпін береді. Биылғы жаңа оқу жылына облыстық бюджеттен Ордабасы ауданына 15 жаңа автобус берілетін болады. Ауданның инфрақұрылымы жақсара түседі.

Кездесуден соң, тұрғындарды жеке мәселелері бойынша қабылдадым. Ауыл-аймақтардың жағдайын жақсартуға бірге жұмыс істейміз.

• 13.06.2022
• 275