Шардаралық тұрғындармен жүздестім

Шардара ауданына іссапар барысында тұрғындарды алаңдататын тұрғын үй, газдандыру, аурухананы күрделі жөндеуден өткізу, заңсыз карьер, балық шаруашылығына субсидиялау сияқты бірқатар мәселелерді тыңдап, шешу жолдарын қарастырдық. Мұндағы мәселелерді жақсы білемін. Ауданның инфрақұрылымын жақсарту жұмыстарына қолдау көрсетіледі. Жақын уақытта ауданның газ мәселесі шешімін табады. Қамту көрсеткіші ұлғаяды.
Өңірде барлық салада тұрақты өсім бар. Ауданға 29,7 млрд. теңге инвестиция тартылған. Биыл «Бір алқаптан 2-3 өнім алу» жобасы бойынша 700 гектар жерде 123 жоба іске асырылып, бірінші өнім жиналуда. 20 мың шаршы метр тұрғын үй беріліп, Қоғалы, Жемісті, Жеңістің 40 жылдығы, Мақташы, Талапты елді мекендерінің жаңа құрылыс аумағында электрмен жабдықтау жұмыстары жүргізілген.
Кездесуден соң тұрғындарды жеке мәселелері бойынша қабылдадым. 
Осы күні Шардарадағы «Қасиет» әлеуметтік қызметтер көрсету орталығында болдым. Мұнда зейнеткерлер мен мүмкіндігі шектеулі жандарға емдік-сауықтыру қызметі көрсетілуде. «Еңбек» мемлекеттік бағдарламасы арқылы грант алған шардаралық тұрғындардың тауар көрмесіне де бардым. Шағын және орта бизнес мемлекеттің тірегі екенін ескере отырып, жауапты басшыларға осы салаға қолдауды күшейтуді тапсырдым.

• 15.06.2022
• 364