ЕЭК Кеңесі Қазақстанды қолдап, SOS батырманы уақытша алып тастады

Қазақстандықтардан әкелінетін көліктерге SOS батырмасын орнату міндеттемесін алып тастады.

Еуразиялық экономикалық комиссия Кеңесі Қазақстанның жеке тұлғалар жеке пайдалану үшін әкелетін көлік құралдарын шұғыл қимылдайтын жедел қызметтерді шақыру құрылғыларымен/жүйелерімен («SOS батырмасы») жарақтандыру міндеттемелеріне қатысты «Доңғалақты көлік құралдарының қауіпсіздігі туралы» Кеден одағы техникалық регламентінің 13-тармағының талаптарын 2023 жылғы 1 ақпанға дейін тоқтата тұру ұсынысымен келісті.

Аталған мәселені реттеу туралы ҚР Үкіметіне бірнеше рет өтініш айтылды. Естеріңізге сала кетейік, бұдан бұрын, 2021 жылғы желтоқсанда ЕЭК Кеңесі ЕАЭО аумағында дайындалған автокөлік құралдарын аталған жүйелермен жарақтандыру жөніндегі міндеттемені 2022 жылғы шілдеге дейін кейінге қалдыру туралы шешім қабылдаған болатын. Бұдан басқа, 2022 жылғы 15 сәуірде Кеңестің шешімімен кейінге қалдыру кезеңі 2023 жылғы ақпанға дейін ұзартылды және бұл жеңілдік шетелдік өндірушілердің ресми өкілдері ЕАЭО елдеріне әкелген автокөлік құралдарына да қолданыла бастады.

Қабылданған шешімдер микросхеманың жетіспеушілігімен байланысты.

Сонымен бірге, Ресей Федерациясында бірнеше рет біржақты тәртіппен Қиыр Шығыс федералды округінің азаматтары Ресей үкіметінің қаулыларымен «батырма» орнатудан босатылды. Алайда, осы уақытқа дейін жеке тұлғалар әкелген автомобильдерді «SOS батырмасымен» жарақтандыру жөніндегі міндеттеме Қазақстан Республикасын қоса алғанда, қалған елдерде сақталды.

- іс жүзінде сәйкестік рәсімдерін бағалаудан өтуде осы «батырманы» орнатуға айтарлықтай шығындар шегетін азаматтар осындай талаптың
болуынан қиындықтар көреді. Негізінде оны өндіру проблемаларын ескере отырып, сонымен қоса жеткізуші табу керек. Біз ЕЭК-ке жеке тұлғалар жеке пайдалану үшін әкелетін машиналарды «батырма» бойынша міндеттемеден уақытша босату ұсынысымен жүгіндік,-деп түсіндірді ЕЭК Кеңесінің Қазақстаннан мүшесі, ҚР Премьер – Министрінің орынбасары-Сауда және интеграция министрі Бақыт Сұлтанов.

Сонымен қатар, аталған автомобильдерге иелік ету, пайдалану, билік ету құқығы тек осындай көлік құралдарына қатысты елдердің заңнамасы бойынша жүзеге асырылады деген шешім қабылданды.

Бүгін Минскіде Еуразиялық экономикалық комиссия Кеңесінің кезектен тыс отырысы өтті. Атап айтқанда, кедендік әкелу баждарының ставкаларын төмендету және ауыл шаруашылығы жабдықтарының жекелеген түрлеріне, оның бөліктері мен жинақтауыштарына қатысты тарифтік жеңілдіктерді қолдану туралы шешім қабылданды

• 22.06.2022
• 252