Қымбатты әріптестер! Сіздерді Мемлекеттік қызметшілер күнімен құттықтаймын!

Қымбатты әріптестер! Сіздерді Мемлекеттік қызметшілер күнімен құттықтаймын!

Бүгінгі таңда ҚР Индустрия және инфрақұрылымдық даму министрлігінде мыңнан астам мемлекеттік қызметші жұмыс істейді. Әлбетте, сіздердің әрқайсыларыңыз өз ісінің шебері екендері сөзсіз. Мемлекеттік қызметті абыройлы атқара отырып, Қазақстанның дамуы мен гүлденуіне маңызды үлес қосып келесіздер.  

Ел Президенті Қасым-Жомарт Кемелұлы Тоқаев жастарды мемлекеттік қызметке баулу мәселелеріне ерекше назар аударады. Осы ретте жастарымыздың да мемлекеттік қызметке деген қызығушылығы жылдан-жылға артып келе жатқаны қуантады.

Мемлекеттік аппараттың үйлесімді әрі жүйелі жұмысы бәсекеге қабілетті Қазақстанды құруға зор ықпалын тигізді. Халқымызда «Билігі мықты елдің – тірлігі берекелі болады» деген ұлағатты сөз бар. Еліміздің табысқа жетуі мен дамуы көп жағдайда сіздердің қажырлы қызметтеріңіз бен жемісті жұмыстарыңызға байланысты екендігін ерекше атап өткім келеді.

Мемлекетке қалтқысыз қызмет етіп, халқымызға адал еңбек ету жолындағы игілігі зор істеріңізге толағай табыс тілеймін!

• 23.06.2022
• 317