БАҚ өкілдерінің кәсіби мерекесі қарсаңында ақпарат алаңында жүрген журналистермен кездесіп, еркін форматта әңгімелестік

БАҚ өкілдерінің кәсіби мерекесі қарсаңында ақпарат алаңында жүрген журналистермен кездесіп, еркін форматта әңгімелестік. Кездесу барысында жұмысымыздағы кейбір ішкі процестерді жалпақ тілмен түсіндіріп беруге тырыстым.

Шын мәнінде, аталған мамандық иелерін төртінші билік деп атауы бекер емес. Өйткені Сіздердің мемлекет пен халық арасындағы алтын көпір іспеттес қызметтеріңіздің маңызы зор. Осы ретте бұқаралық ақпарат құралдары үшін әрқашан ашық болу өте маңызды деп санаймын. Сіздердің қоғамдық пікір қалыптастырудағы және халықты ақпараттандырудағы жұмыстарыңызды жоғары бағалаймын. Сондай-ақ министрліктің қызметіне байланысты қандай да бір проблемалық мәселелерді көтеріп, билік пен көпшіліктің назарын аударатындарыңызды қолдаймын. Бұл өз кезегінде мемлекеттік органның қызметін одан әрі тиімді ете түсері анық.

Өкінішке қарай, ақпарат алаңында жүрген іні-қарындастарымның барлығын бірдей жақын тани бермеймін, сондықтан осындай форматтағы кездесулер бізге өте тиімді болмақ. Жалпы Үкімет, Сенат, Мәжіліс отырыстарынан кейін журналистерді кездестіргенде 5-10 минуттың ішінде барлық сұрақтарға жауап беру мүмкін емес қой. Сол себепті алдағы уақытта да мұндай кездесулерді белгілі бір тақырып аясында тұрақты өткізіп, жиі кездесіп тұрамыз деп келістік. 

• 24.06.2022
• 377