ТМД-ға қатысушы мемлкекеттер Бас прокурорларының Үйлестіру кеңесі туралы

Бүгін Минск қ-да ТМД-ға қатысушы мемлекеттердің Бас прокурорлары Үйлестіру кеңесінің 32-ші отырысының жұмысына қатыстым.

Қылмыстық жолмен табылған кірістерді заңдастыруға қарсы күрес және активтерді қайтару; экстремистік, сондай-ақ өзге де құқыққа қайшы ақпаратты таратуға қарсы іс-қимыл; адам саудасына, заңсыз көші-қонға қарсы күрес және басқа да өзекті мәселелерді талқыладық.

Өз баяндамамда қылмыстық процесте бизнесті қорғау, және де экономикалық ресурстардың заңсыз шоғырлануына және заңсыз шығарылған капиталды қайтаруға қарсы іс-қимыл сұрақтары бойынша еліміздің оң тәжірибесімен бөлістім.

Сонымен қатар аталған іс-шара барысында адам құқығы мен бостандығын қамтамасыз ету мақсатында Ресейдің Бас прокурорымен бірге біздің ведомстволар арасындағы «Байқоңыр» кешені аумағындағы ынтымақтастық туралы келісімге қол қойдым.

Осымен қоса, Беларусь, Әзірбайжан, Қырғызстан, Армения, Өзбекстан және Ресей Бас прокурорларымен екі жақты кездесулерде бұл мемлекеттермен қылмыстық-құқықтық қатынасты нығайтудың негізгі мәселелерін көтердік.

Халықаралық ынтымақтастықты әрі қарай нығайтуды жалғастырамыз.

• 24.06.2022
• 378