Жинақтаушы сақтандыру шарттары бойынша қарыздар беру қағидаларының өзгерістері туралы

2022 жылғы 22 маусымда Агенттік Басқармасы «Жинақтаушы сақтандыру жөніндегі қызметті жүзеге асыратын сақтандыру ұйымының өз сақтанушыларына қарыздар беру және сатып алу сомасын есептеу қағидаларын, сондай-ақ жинақтаушы сақтандыру жөніндегі қызметті жүзеге асыратын Қазақстан Республикасы бейрезидент-сақтандыру (қайта сақтандыру) ұйымы филиалының Қазақстан Республикасы бейрезидент-сақтандыру ұйымының өз сақтанушыларына қарыздар беруі бойынша көрсетілетін қызметтерді ұсыну тәртібі мен шарттарын бекіту туралы» Агенттік Басқармасының 2004 жылғы 25 қыркүйектегі № 274 қаулысына өзгерістер қабылдады.

Өзгерістерде сақтандыру ұйымы үшін өз клиенттеріне Сақтандыру төлемдеріне кепілдік беру қоры кепілдік беретін сақтандыру түрлері (сыныптары) бойынша қарыздар беруге тыйым салу көзделеді.

Сонымен бірге жинақтаушы сақтандыру шарты бойынша қарыз алу үшін сақтандыру ұйымының клиенттен артық құжаттарды сұратуын болдырмау үшін қажетті құжаттар тізбесі айқындалды.

Бұл өзгерістер сақтандыру ұйымдары өмірді жинақтаушы сақтандыру шарттары бойынша қарыздар берген кезде сақтандыру қызметтерін тұтынушылардың құқықтарын қорғауды арттыруға ықпал ететін болады.

• 28.06.2022
• 283