Қазақстан мен Ресей «Астрахань – Маңғышлақ» магистралды су құбырын қайта жаңарту мәселелерін талқылады

2022 жылғы 27 маусымда Мәскеу қаласында (Ресей Федерациясы)  РФ табиғи ресурстар және экология министрі А. Козловпен кездестім.

Кездесу барысында «Астрахань-Маңғышлақ» магистральдық су құбырын қайта жаңарту және кеңейту» жобасын іске асыру мәселелерін талқыладык.

Сонымен қатар,  трансшекаралық су объектілерін пайдалану және қорғау жөніндегі бірлескен Қазақстан-Ресей комиссиясының кезекті отырысында Ертіс өзені бассейні бойынша бірыңғай Жол картасын талқылау және іске асыру бойынша сарапшылардың кездесулерін өткізу кестесін бекіту қажеттілігі туралы пікір алмастык.

Бұдан бөлек,  алдағы 2022 жылы өтетін Жолбарыс форумы шеңберінде амур жолбарысын қайта түлету саласындағы ынтымақтастық туралы Меморандумға қол қою уағдаластығына қол жеткіздік.

Сонымен қатар, қазақстандық тарап Жолбарыс форумы аясында жоғарыда аталған Меморандумды іске асыру жөніндегі бірлескен іс-қимыл жоспарына қол қоюды ұсындык.

Кездесу қорытындысы бойынша Тараптар қоршаған ортаны қорғау, табиғи ресурстарды ұтымды пайдалану, сондай-ақ биоәртүрлілікті сақтау саласындағы ынтымақтастықты жалғастыруға келістік.

• 28.06.2022
• 303