Кеше Қазақстан мен Беларусь Республикасы арасындағы дипломатиялық қарым-қатынастың 30 жылдығына арналған жиынға қатыстым

Кеше Қазақстан мен Беларусь Республикасы арасындағы дипломатиялық қарым-қатынастың 30 жылдығына арналған жиынға қатыстым.
 
Беларусь Республикасының Тәуелсіздігі қарсаңында ұйымдастырылған кеш барысында баяндама жасап, мемлекеттер арасындағы өзара ынтымақтастықтың басты тетіктерін атап өттім.
 
Беларусь – Қазақстанның стратегиялық әріптестерінің бірі. Екі мемлекет арасындағы тауар айналымы 2021 жылы 15,7 пайызға дейін артып, машина жасау саласында 7 жоба табысты жүзеге асты. Бүгінде біздің министрлік аталған мемлекетпен өнеркәсіптік кооперация, көлік және қорғаныс-өнеркәсібі кешені бойынша бірқатар жұмыстар атқаруда.
 
Кеш барысында Беларусь Республикасының еліміздегі Төтенше және Өкілетті елшісі Павел Утюпиннің қызының халық әні «Ақбаянды» нақышына келтіре орындағанына тәнті болдым. Павел Владимировичтің айтуынша, баласы екі жылдың ішінде қазақ тілін жетік меңгеріпті. Талапты жастың қазақ тілі мен мәдениетіне деген құрметі көпшілікке үлгі боларлықтай екен.

• 30.06.2022
• 469