Әбілқасымова М.Е.
ҚР Қаржы нарығын реттеу және дамыту агенттігінің төрайымы
Қазақстандық эмитенттерге арналған Халықаралық қаржы корпорациясының қолдауымен Climate Bond Initiatives ұйымдастырған оқыту тренингі туралы
2022 жылғы 21-22 маусымда Агенттіктің қатысуымен қазақстандық эмитенттер үшін экологиялық, әлеуметтік және орнықты облигацияларды шығару мәселелері бойынша «GSS облигациялар шығарылымы процесіне терең бойлау» (Deep Dive Green, Social, and Sustainability (GSS) Bonds Issuance Process)) атты екі күндік тренинг өткізілді.
Бұл тренинг REGIO TA Program (Real Economy Green Investment Opportunity Technical Assistance Program) – Climate Bond Initiatives (CBI), HSBC Global Asset Management және Нидерланд Корольдігімен әріптестікте Халықаралық қаржы корпорациясы (бұдан әрі - IFC) іске асыратын экономиканың нақты секторындағы «жасыл» жобаларды қаржыландыру жөніндегі бағдарламаның орталық элементі болып табылады.
Қазақстан қор биржасы (KASE) GSS-облигациялар шығарылымына мүдделі нақты сектордың (мұнай және газ, күн энергетикасы, электр энергетикасы, атом энергиясы және т.б. саласында) 35 ірі компаниясын таңдап, тренинг өткізу үшін алаң болды.
«GSS облигацияларын шығару процесіне терең бойлау» курсы GSS облигацияларын шығарудың практикалық аспектілерін ашты. «Жасыл» облигацияларды шығаруға қойылатын талаптар (шығарылым проспектісін дайындаудан бастап облигацияларды өтеуге дейін), «жасыл» облигацияларды шығарудың әртүрлі схемалары, оның ішінде климаттық, «жасыл» облигациялар стандарттары, климаттық облигациялардың таксономиясы және т.б. жан-жақты қаралды.
Ағымдағы жылғы сәуір айында Қазақстан Республикасының Қаржы нарығын реттеу және дамыту агенттігі (бұдан әрі – Агенттік) мен Халықаралық қаржы корпорациясы (бұдан әрі – IFC) арасында қол қойылған ESG стандарттарын бірлесіп әзірлеу және Қазақстанда «жасыл» қаржыландыруды дамыту саласындағы ынтымақтастық туралы шарт шеңберінде Агенттік және IFC жеке сектор компанияларын «жасыл» қаржыландыру нарығына шығуға ынталандыруға және орнықты даму саласындағы әлеуетті ұлғайтуға бағытталған іс-шараларды өткізуді жалғастыруды жоспарлап отыр.
- 30.06.2022
- 356
