ҚР Денсаулық сақтау және әлеуметтік даму министрі Т.Қ. Дүйсенованың Тәуелсіздік күнімен құттықтау сөзі

Құрметті қазақстандықтар!

16 желтоқсан күні барша отандастарымыз ел егемендігін айқындайтын Қазақстан Республикасының ұлттық мейрамы –Тәуелсіздік күнін атап өтеді.

Қазақстан еліміздің Тұңғыш Президенті, Ұлт көшбасшысы Нұрсұлтан Әбішұлы Назарбаевтың көреген басшылығымен экономикада және әлеуметтік салада толағай табыстарға қол жеткізіп, демократиялық өзгерістерді сәтті іске асырып келеді.

Тәуелсіздік жылдарындағы оң өзгерістер мен Мемлекет басшысының жаһандық бастамаларының нәтижесінде Қазақстан халықаралық аренада табысты, бірлігі жарасқан ел ретінде танылып келеді. Бүгінде мемлекетіміздің зор жетістіктері бірқатар шет мемлекеттеріне етене таныс.

Біз тұғыры биік, болашағы кемел елміз! Қазақстанның әрбір тұрғыны республиканың азаматы екенін мақтан тұтады.

Баршаларыңызды шын жүректен айтулы мерекемен құттықтаймын!

Сіздерге зор денсаулық, қажымас қайрат, баянды бақыт тілеймін!

• 15.12.2015
• 15522