Қазақстанның транзиттік-көлік әлеуетін дамыту мәселесі жөнінде Мемлекет басшысы Қасым-Жомарт Тоқаевтың төрағалығымен кеңес өтті

Қазақстанның транзиттік-көлік әлеуетін дамыту мәселесі жөнінде Мемлекет басшысы Қасым-Жомарт Тоқаевтың төрағалығымен кеңес өтті. Цифрлық үкімет кеңсесіндегі алқалы жиында баяндама жасадым. 

Елімізде көлік қатынасының кең жүйесі қалыптасқан және әлемдік нарыққа шығу үшін барлық негізгі халықаралық көлік дәліздерімен байланыс орнатылған. Бүгінгі таңда Қазақстанның «транзиттік хаб» ретінде қалыптасуы ерекше өзектілікке ие. 

Қазақстандық экспорттық жүктерді тасымалдауға келетін болсақ, жыл басынан темір жол көлігімен 50,8 млн тонна жүк тасымалданды, оның 34,5 млн тоннасы отандық экспортты құрайды.

Айтқан ақпаратымызға зер салған Қасым-Жомарт Кемелұлы бастамаларымыздың басым көпшілігін қолдап, транзиттік-көлік әлеуетін дамыту бойынша қосымша тапсырмалар берді. Атап айтқанда, теміржол паркінің жұмысын жандандыру және жолдарға күрделі жөндеу жүргізу жөніндегі мәселелерді пысықтауды тапсырды. Сонымен қатар, отандық өнімнің экспортқа қауіпсіз әрі үздіксіз шығарылуын қамтамасыз ету үшін кешенді шаралар қабылдау қажет деді.

• 07.07.2022
• 335