Балық шаруашылығы қызметкерлері күнімен құттықтау

Құрметті балық саласының ардагерлері, қызметкерлері және еңбек ұжымдары!

Сіздерді кәсіби мереке – Балық шаруашылығы қызметкерлері күнімен құттықтаймын. Баршаларыңызға қажырлы еңбек, жоғары шеберлік және өз істеріңізге адалдық танытқандарыңыз үшін шынайы алғысымды білдіремін.

Бұл күні балық шаруашылығының қызметкерлерін, балық шаруашылығы ғылымының ғалымдарын, оқытушыларды, балық өсірушілерді, ихтиологтарды, балық инспекциясының қызметкерлерін, кәсіби балықшыларды, спортшы және әуесқой балықшыларды құттықтау әдетке айналған.

Бұл кәсіби мереке Каспий және Арал теңіздерінде, Балқаш және Зайсан көлдерінде және Қазақстанның басқа да су айдындарында әуесқойлық және кәсіпшілік балық аулаумен айналысатын көптеген отандастарымыз үшін ерекше.

Қазіргі уақытта бизнесті мемлекеттік қолдау шараларын көздейтін Балық шаруашылығын дамытудың 2030 жылға дейінгі үкіметтік бағдарламасы іске асырылуда.

Қабылданған шаралардың арқасында балық өсіру шаруашылықтары санының айтарлықтай өсуі байқалады, өсірілген балық көлемі ұлғаюда. Жалпы, кәсіпкерлік субъектілерінің іскерлік белсенділігі мен салаға қызығушылығы артуда.

Заңнаманы және мемлекеттік қолдау тетіктерін жетілдіру, әкімшілік кедергілерді жою, сондай-ақ проблемалық мәселелерді шешу арқылы бизнес үшін қолайлы жағдайлар жасау бойынша жұмыс жалғасатын болады.

Осылайша, алда балық шаруашылығын дамытуға бағытталған үлкен жұмыс тұр. Балық шаруашылығы қызметкерлерінің ауызбіршілігі, олардың тәжірибесі мен кәсібилігі кез келген міндеттерді бірге шешуге көмектесетініне сенім білдіремін.

Мерекеге орай, мен саланың дамуына елеулі үлес қосқан балық саласының ардагерлері мен қызметкерлерін ведомстволық наградалармен, құрметті атақтармен, төсбелгілермен, құрмет грамоталарымен және алғыс хаттармен марапаттау туралы бұйрыққа қол қойдым.

• 08.07.2022
• 360