Қарыз алушы-жеке тұлғаларды қорғау үшін заңнамаға түзетулер қолданысқа енгізілді

Қарыз алушылардың құқықтарын қорғау мақсатында 2021 жылғы                                      31 желтоқсанда қабылданған «Қазақстан Республикасының кейбір заңнамалық актілеріне мемлекеттік басқару, екінші деңгейдегі банктердің кепілдік саясатын, бағалау қызметін реттеуді және атқарушылық іс жүргізуді жетілдіру мәселелері бойынша өзгерістер мен толықтырулар енгізу туралы» Заңның нормалары іске асырылуда.

1. 2022 жылғы 1 шілдеден бастап ресімделген шарттар бойынша азаматтардың кепілсіз тұтынушылық қарыздар мен микрокредиттер бойынша мерзімі өткен берешегінің өсуіне жол бермеу үшін қарызды қайтару мерзімі 90 күннен кейін сыйақы есептеуге тыйым салынады. Бұл норма жеке тұлғаларға дара кәсіпкер ретінде берілген қамтамасыз етілмеген кредиттерге қолданылмайды. Қазіргі уақытта мұндай тыйым жеке тұлғалардың ипотекалық қарыздарына қатысты қолданылатынын еске саламыз.

2. Кепіл қарыз алушылардың мүдделерін қорғау жөніндегі шаралар күшейтілді.

Банктер және банк қызметі туралы заңға түзетулер енгізілді, оған сәйкес кепіл беруші, оның жеке немесе заңды тұлға болып табылуына қарамастан, егер ипотекалық қарыз бойынша орындалмаған міндеттемелер сомасы кепілмен қамтамасыз ету құнының 10% ынан кем болған жағдайда, кепіл затын ауыстыруға құқылы.

Сонымен бірге кепіл қарыз алушыларға кепіл - тұрғын үйді үш ай мерзімде дербес сот арқылы не соттан тыс өткізу құқығы қосымша берілді. Ипотекалық қарыздар бойынша орындалмаған міндеттемелерді өтеу үшін тұрғын үйді сауда-саттықта төмендетілген құны бойынша өткізуге жол бермеу және сауда-саттықта кепіл мүлкін соттан тыс өткізуден алынған ақшаның жеткіліктілігін қамтамасыз ету үшін кепілдің сату бағасының төменгі шегі кепілдің бастапқы бағалау құнының 50%-ынан 75%-ына дейін көтерілді.

Толығырақ: https://www.gov.kz/memleket/entities/ardfm/press/news/details/396997?lang=ru

• 12.07.2022
• 320