«Сбербанк» АҚ ЕБ лицензиясын қайта ресімдеу туралы

Агенттік, АҚШ Қаржы министрлігі Шетел активтерін бақылау басқармасының - Office of Foreign Assets Control (OFAC) 2022 жылғы 11 шілдеде лицензия шығарғаны туралы хабарлайды, оған сәйкес «Сбербанк» АҚ ЕБ-мен (бұдан әрі – Қазақстан Сбербанкі) мәмілелер жасасу мерзімі 2022 жылғы
12 шілдеден 2022 года 11 қазанға дейін тағы да үш айға ұзартылады.

Көрсетілген  уақыт ішінде Қазақстан Сбербанкі  штаттық режимде жұмыс істеуін жалғастырады. Аталған Банктің клиенттеріне төлемдер және аударымдармен операциялар қандай да бір шектеулерсіз қолжетімді болады.

Осыдан бұрын, 2022 жылғы 6 сәуірде OFAC-тың Ресейлік «Сбербанк России» ЖАҚ және оның еншілес ұйымдарын SDN (Specially Designated Nationals) тізіміне енгізуді көздейтін бұғаттау санкцияларын енгізу туралы лицензиясы шығарылған болатын, оған сәйкес аталған ұйымдармен операциялар 2022 жылғы 12 шілдеге дейін аяқталуға тиіс болған.

Қазақстан Сбербанкі салымдарға, кредиттерге қызмет көрсетуді, сондай-ақ ақша қаражатын қабылдау және беруді қоса алғанда, клиенттер алдындағы өз міндеттемелерін уақтылы орындайды.

Қазақстан Сбербанкі депозиттерге міндетті кепілдік беру жүйесінің қатысушысы болып табылады, бұл азаматтар қаражатының Қазақстан Республикасының заңнамасында белгіленген лимиттер шегінде сақталуын қамтамасыз етеді.

• 15.07.2022
• 337