Кеше Үкіметтің кеңейтілген отырысында Мемлекет басшысы Қасым-Жомарт Тоқаев бірқатар тапсырма жүктеді

⚜️ Қайырлы кеш, достар!

Кеше Үкіметтің кеңейтілген отырысында Мемлекет басшысы Қасым-Жомарт Тоқаев бірқатар тапсырма жүктеді. Атап айтқанда, Өндірушілердің кеңейтілген міндеттемелері операторының қаражаты есебінен отандық ауыл шаруашылығы техникасын сатып алу мақсатында жеңілдетілген несие беру тетігін енгізуді тапсырды. 

 Президенттің тапсырмасы бойынша елімізде отандық ауыл шаруашылығы техникаларын сатып алуға арналған жеңілдетілген несиелеу бағдарламасы іске қосылмақ. Ауыл шаруашылығы техникасы паркін жаңарту ағымдағы лизингтік қаржыландыру бағдарламасы аясында жүзеге асырылады. 

Бүгінгі таңда Экология, геология және табиғи ресурстар министрлігіндегі әріптестерімізбен бірлесіп, Өндірушілердің кеңейтілген міндеттемелері операторының (РОП) қаражатын пайдалана отырып, отандық ауыл шаруашылығы техникасын сатып алу үшін жеңілдетілген кредит беру тетігін енгізу механизмін пысықтап жатырмыз. 

Ел Президентінің бірыңғай автожол компаниясын құру төңірегіндегі тапсырмасы бойынша автожол саласын реформалау шеңберінде «ҚазАвтоЖол» ҰК» АҚ «Қазақавтожол» ЖШС-мен біріктіріледі. Қаулы жобасын Үкіметке биыл тамыз айында енгіземіз. 

«ҚазАвтоЖол» ұлттық компаниясы мен «Қазақавтожол» ЖШС біріктіру турасындағы Президент тапсырмасын іске асыру бойынша құрылған жұмыс тобы іске кірісті. Жақын арада соңғы 10 жылда жүзеге асырылған автожол жобаларын тексеру жөніндегі комиссия құрылатын болады. Комиссия құрамына мемлекеттік және прокуратура органдары мен «Атамекен» ұлттық кәсіпкерлер палатасының өкілдері кіреді.

• 15.07.2022
• 312