Елордада кірістерді жылыстатуға және терроризмді қаржыландыруға қарсы іс-қимыл жөніндегі Еуразиялық Топтың халықаралық форумы өтуде

Форум жұмысына Беларусь республикасы, Италия, Үндістан, Қытай, Қырғызстан, Моңғолия, Ресей, Тәжікстан, Түркіменстан және Өзбекстанның құқық қорғау органдары мен қаржылық барлау бөлімшелерінің өкілдері қатысуда.

Мемлекет басшысының тапсырмасы бойынша қылмыстық активтерді іздеу және қайтару бойынша жұмыс күшейтілді. Ол АФМ мүмкіндіктерін пайдалана отырып, шет мемлекеттердің қаржылық барлау бөлімшелерімен тығыз ынтымақтастықта жүргізіледі.

Еуразиялық Топ елдері мен халықаралық серіктестердің ынтымақтастығын одан әрі тереңдету қаржылық құқық бұзушылықтармен неғұрлым тиімді күресуге, сондай-ақ қылмыстық активтерді қайтарудың жедел мүмкіндіктерін кеңейтуге мүмкіндік береді.

Жалпы, форумда 25 түрлі тақырыпта 26 спикер сөз сөйледі, оның ішінде қылмыстық кірістерді жылыстатумен байланысты қылмыстарды анықтау, тергеу және соттарда осындай істерді қарау әдістемесі бар.

• 20.07.2022
• 343