«Turkistan» телеарнасын халықаралық деңгейге көтеру мәселесі талқыланды

Ашылғанына 1,5 жылдан енді асқан «Turkistan» телеарнасы биыл республикалық деңгейдегі «Тұмар» телевизиялық байқауында «Үздік аймақтық телеарна» атанды. 
Телеарнаға барып, журналистер ұжымымен кездесудің сәті түсті. 
Ұжымды жеңістерімен құттықтаймын. Жас телеарна қысқа мерзімде өз көрерменін тапты. Еңбектерінің, ізденістерінің, талпыныстарының арқасында жеңіске жетіп отыр. Облыс әкімдігі тарапынан телеарнаға әрдайым қолдау көрсетіледі. Әр өңірдің өз телеарнасы  болуы керек. Бірақ біз тек облыс емес, телеарнаны халықаралық деңгейге көтеруіміз қажет. Ол үшін бар мүмкіндік бар. Түркі мемлекеттерінің өкілдерімен, ТүркПА басшыларымен кездесуде олар да телеарнаны Түркі әлеміне таратуға қолдау көрсететінін айтқан болатын. Ол үшін біздің телеарна сол қолдауға лайық деңгейге жетуі тиіс. Жалпы өңірімізде талантты жастар көп. Жергілікті кадрларды дайындап, өсірсек, сонда ғана нәтиже болады. Бізде оған толық мүмкіншілік бар. Түркістан – ұлтымыздың болмысы сақталған өңір, жастардың тәрбиесі де, дүниетанымы да қазақи. Сондықтан «Turkistan» ең қазақи әрі үздік телеарналардың бірі болады деп ойлаймын. Жас таланттарды табуға демографиялық жағдай да толық мүмкіндік береді.

• 25.07.2022
• 314