Қарағанды облысының тұрғындарымен кездестім

Жұмыс сапарының екінші күні №1 мамандандырылған өрт сөндіру бекетіне барудан басталды, онда ол аймақ құтқарушыларының арнайы техникасы және жабдықтарымен танысты.

Қарағанды облысы Төтенше жағдайлар департаменті бөлімшелерінің жеке құрамымен кездестім, оның барысында қызметтік міндеттерін орындауда ерекше көзге түскен қызметкерлерге алғыс хаттар табыс еттім. Сонымен қатар, Қарағанды облысы әкімінің орынбасары Вадим Басин, «Ізбасар» шаруа қожалығының басшысы Айдос Жұмабеков, Нұра ауданы Құланөтпес ауылының әкімі Әліби Әлкенов төтенше жағдайлардың алдын алуға қосқан үлестері үшін Төтенше жағдайлар министрлігінін алғыс хатымен марапатталды.

 «Сенім-109» бірыңғай үйлестіру орталығының, «Open Karaganda» фронт-офисі мен 112 қызметінің жұмысымен таныстым.

Сонымен қатар сапар барысында «АрселорМиттал Теміртау» АҚ бас директоры Наир Биджумен кездестім. «АМТ» АҚ кәсіпорындарында өнеркәсіптік қауіпсіздікті қамтамасыз ету мәселелері талқыланды.

Осы күні облыс тұрғындарымен және белсенділерімен кездестім. Министрлік қызметінің негізгі бағыттары мен атқарылып жатқан жұмыстар туралы баяндадым.

Жиынға қатысушылар сұрақтар қойып, туындаған мәселелерді шешуге қатысты өз көзқарастарын білдірді. Бейнеконференцбайланыс арқылы облыстың қалалары мен аудандарының тұрғындары да қатысты.

Тұрғындарды негізінен дала өрттері мен су тасқынына байланысты төтенше жағдайлардың алдын алу мәселелері толғандырды. Қарағанды облысындағы тегін жағажайлар мәселелері де көтерілді.

Кездесу соңында азаматтарды жеке қабылдауын өткіздім.

• 29.07.2022
• 380