Кентау қаласы тұрғындарымен кездестім

Кентау қаласы тұрғындарымен кездестім. Тұрғындар тарапынан маңызды сұрақтар қойылып, өтініштер мен ұсыныстар айтылды. Жалпы Кентау қаласы Түркістанмен қатар дамиды. Бұл бағытта жұмыс басталып кеткен.

Биыл сәуір айында Кентауға келіп, тұрғындарды толғандырып жүрген әлеуметтік және басқа да өзекті мәселелерді талқылаған болатынбыз. Араға бірнеше ай салып, елмен қайта жүздесіп, көтерілген мәселелердің шешімін баяндадым. Жалпы халықпен кездесу мен жеке қабылдау барысында 26 мәселе көтерілді. Оның 15-і өз шешімін тапты, қалған 11-і шешілу үстінде. Әрбір өтініш заң шеңберінде қаралып, тиісті шешімдер қабылданып жатыр.

Қазіргі таңда Кентау қаласы табиғи газбен қамтылып, қала аумағында тұтынушы санын көбейту жұмыстары жүргізілуде, «ҚазТрансГаз Аймақ» АҚ-на 1981  тұтынушы техникалық шарт алу үшін өтініш берген. Облыстық маңызы бар КХ-56 «Жамбыл облысы шекарасы - Құмкент - Шолаққорған- Ащысай - Р - 31» автомобиль жолының 76-91 шақырымына (Ащысай ауылы мен Ойық ауылының аралығы (15 шқ) орташа жөндеу жұмыстары жүргізіліп жатыр. Жөндеу жұмыстары тамыз айында толық аяқталып, нысан қазан айында пайдалануға беріледі. Сонымен бірге тұрғындар өтінініші бойынша Кентау қаласы бойынша мүгедектігі бар бар азаматтар 50 қоларбамен қамтылды. 1 топтағы мүгедектігі бар ересектерге арналған көпфункционалды әмбебап кресло арбаны өтініш беруші әлеуметтік қызметтер порталынан таңдап алған.

 Кентау – өңіріміздегі жалғыз моноқала. Қаланың әлеуметтік-экономикалық даму қарқыны тұрақты. Негізгі салаларда өсім бар. Халықтың өмір сүру деңгейі мен сапасын жақсарту бойынша жұмыстар жалғасады. Жалпы Кентау қаласын табиғи газбен қамтамасыз ету 3 кезеңнен тұрады. Қала бойынша газға қосылатын 18 000 абонент бар. Оның ішінде: 1 кезеңмен – 11300, 2 кезеңмен – 3500, 3 кезеңмен – 3200 абонент қамтылмақ.

Тұрғындарға Мемлекет басшысының тапсырмаларының өңірде орындалу барысы туралы баяндап, алдағы жоспарлармен бөлістім. Кездесуде көтерілген мәселелер бойынша жұмыс жүргізіледі.

• 29.07.2022
• 336