Биыл Түлкібаста 3 мектеп пайдалануға беріледі

Түлкібас ауданына жасаған жұмыс сапарымда аудандағы құрылыс нысандарындағы жұмыстар барысымен таныстым. Ауданның инфрақұрылымын жақсарту, тұрғындарға қолайлы жағдай жасау бағытындағы жобаларды көрдім.  

Жалпы биыл ауданда 3 мектептің құрылысы жүріп жатыр. Бір мектеп осы оқу жылының басында, яғни, қыркүйекте берілсе, 2 білім ұясы жыл соңына дейін тапсырылмақ. Сонымен қатар 1 мектепке қосымша корпус соғылуда. Биыл жыл басында халық санының артуына байланысты үш мектепке қосымша корпус бой көтеріп, пайдалануға берілген. Өңір басшысы Абайыл ауылындағы Н.Қасымбеков атындағы жаңа мектептің құрылысын көрді. Мердігер мекеме «ШАХ» ЖШС салып жатқан мектептің сыйымдылығы – 100 орын. Құрылысы бір ай көлемінде толық аяқталмақ.

 Білім саласын дамыту – назардағы іс. Былтыр елімізде салынған мектептердің төрттен бірі біздің өңірде бой көтерді. Биыл Түркістан облысында 59 мектептің құрылысы қолға алынған.  21 білім ұясын биыл пайдалануға тапсыру жоспарланып отыр.

«Ауыл – Ел бесігі» бағдарламасы аясында Балықшы ауылындағы Ж.Нарботаұлы көшесінің орташа жөндеу жұмысы жүріп жатыр. Ұзындығы 1,4 шақырым көше жақында ел игілігіне беріледі. Аудан әкімі Нұрлан Байғұт инфрақұрылымды жақсарту бағытындағы жұмыстар мен алдағы жоспарларды таныстырды.

«Бахыбек» мөлтек ауданының инженерлік-инфрақұрылым жүйелерін жүргізу және дамыту мәселелерімен де танысып, жауаптыларға тиісті тапсырмалар бердім.

Жаскешу ауылындағы «Жер Ана» шаруа қожалығында болдым. Шаруа қожалығының басшысы О.Көлбаевтың айтуынша,  мұнда бидай, арпа және жоңышқа өсіріліп жатыр. Жобаның қуаттылығы – гактарына 35 центнер. 420 гектардың 200 гектарына бидай егілсе, қалғанына арпа мен жоңышқа өсірілген. Аталған шаруашылықта 25 адам жұмыспен қамтылған.

• 08.08.2022
• 236