Baiterek Venture Fund Алматыда білім беру орталығын іске қосу үшін инвестиция салды

Baiterek Venture Fund («Қазына Капитал Менеджмент» АҚ кэптивті қоры) Алматы қаласының Алмалы ауданында жаңа білім беру орталығын іске қосу үшін  «EPG Prometheus School» ЖШС-ны ғимаратты қайта жаңартуға   1 016 млн теңге мөлшерінде қаржыландырды. Жобадағы қордың үлесі 26,59% - ды құрады. BVF инвестициялары білім беру орталығының құрылысын аяқтауға және жабдықтауға бағытталған.

856 адамға арналған жаңа білім беру орталығы оқушы орындарының жетіспеушілігін азайтуға мүмкіндік береді. Орталық мектеп құрылысындағы шетелдік озық тәжірибені ескере отырып құрылады. Ғимараттың жалпы ауданы 12 556 м2 құрайды, онда 2 спортзал, кітапхана, коворкинг және рекреациялық аймақтар, STEM зертханалары және кеңейтілген және виртуалды шындық сыныптары, Research & Development орталық, IT Hub және музыка мектебі болады.

«EPG Prometheus School» ЖШС-нің білім беру үдерісіне деген кәсіби көзқарасы оқушыларды жан-жақты дамытуға бағытталған. Орталықтың тұжырымдамасы әрбір баланың ерекшелігін ашуға жағдай жасауға және оқушының әлеуетін тиімді іске асыруға мүмкіндік беретін  баланың білімі, дағдылары және құндылықтары бар тұлғаны дамытуға бағытталған. Ерекше білім беру бағдарламасы аясында оқушыларды ойын түрінде оқытуға, жан-жақты дамытуға және көшбасшылық қасиеттерді тәрбиелеуге ерекше көңіл бөлінеді.

Жаңа білім беру орталығының жұмысы  2022 жылдың 1 қыркүйегінен басталады деп жоспарлануда.

• 18.08.2022
• 378