Бизнесті қорғау туралы

Біз бизнесті қорғауға ерекше назар аударамыз, ол үшін арнайы мобильді топтар тәулік бойы жұмыс істейді.

Ағымдағы жылы прокурорларға 1,7 мыңнан астам кәсіпкер жүгінді, онда әрбір төртінші бұзушылық расталды.

Кәсіпкерлердің мәселелерін шешу кезінде прокурорлар жеке жағдайлармен шектелмейді, олар көбінесе құқықтық актілерге өзгерістер енгізуді талап ететін жүйелі проблемаларды шешеді. Бұл жұмысты біз «Атамекен» ҰКП-мен бірлесіп жүргізіп жатырмыз.

Ағымдағы жылы прокуратура органдарының көмегімен бизнестің 28 өңірлік проблемасы шешілді.

Мысалы, Павлодар және Маңғыстау облыстарында мемлекеттік органдардың жұмыс топтарының коммерциялық нысандарды аралауының заңсыз тәжірибесінің жолы кесілді, Шымкентте шаруа қожалықтарын суармалы сумен қамтамасыз ету мәселесі шешілді, Жамбыл облысында бизнес субъектілерінен электр беру желілерінің тіректерін жалға алу үшін төлем алынбайды.

Жалпы, ағымдағы жылдың 7 айында мобильдік топтар 143 мыңнан астам бизнес субъектілерінің құқықтарын қорғады, 534 млн теңгеден астам сомаға 5,9 мың әкімшілік жазалардың күшін жойды, 6,4 мыңнан астам заңсыз тексерулер мен бақылаудың өзге де нысандарының, 1139 тыйым салу-шектеу шараларының, мемлекеттік органдардың 702 актісінің жолын кесті және күшін жойды.

Бұл жұмысты жалғастырамыз.

• 19.08.2022
• 316