Қаржы реттеушісі жедел желі нөмірлерін жаңартты

Құрметті қазақстандықтар!

Қазақстан Республикасының Қаржы нарығын реттеу және дамыту агенттігі азаматтардың өтініш жасайтын телефон нөмірлерін жаңартты. 2020 жылғы 15 қарашадағы жағдай бойынша «жедел желіге» шамамен 22,8 мың қоңырау келіп түсті.

Төменде өтініш жасауға арналған телефон нөмірлері берілген:

+ 7 (727) 237 1000 – «жедел желі», жұмыс кестесі дүйсенбі – жұма аралығы, сағат 09.00-ден 17.00-ге дейін;

+7 (727) 237 1301 – Қаржылық қызметтерді тұтынушылардың құқықтарын қорғау департаменті;

+ 7 (727) 237 1200 – ресми өтініштер жөніндегі кеңсе;

+ 7 (727) 237 1111 – азаматтардың жалпы  өтініш жасауы;

+ 7 (727) 237 1090 – БАҚ-тың өтініштеріне арналған баспасөз қызметі.

Азаматтардың өтініштеріне жасалған талдау негізгі өзекті тақырыптардың әлеуметтік төлемдерді алуға кедергі келтіретін карточкалық шоттардағы шектеулерге, кредиторлардың төлеу мерзімін кейінге қалдырудан, қарызды қайта қаржыландырудан бас тартуына, кредиттік ұйымдардың ағымдағы төлемдерді жүзеге асыру қажеттілігі туралы хабарлауына және төлеу мерзімінің өтіп кетуінен болатын салдарлар туралы ескертуіне қатысты болатынын көрсетті. Қазақстандықтарды коллекторлық агенттіктермен өзара іс-қимыл жасау, «Ипотекалық тұрғын үй қарыздарын/ипотекалық қарыздарды қайта қаржыландыру бағдарламасы» шеңберінде ипотекалық қарыздарды қайта қаржыландыру мәселелері толғандырған.   

Шағымдары мен өтініштерін азаматтар Агенттіктің  сайтындағы https://www.gov.kz/memleket/entities/ardfm/contacts?lang=ru нысаны арқылы не info@finreg.kz электрондық поштасы арқылы, сондай-ақ Агенттіктің азаматтардың және заңды тұлғалар өкілдерінің өтініштерін қарау тәртібіне сәйкес жазбаша жібере алады.

• 20.11.2020
• 433