Қазақстанда микрокредиттер беру тәртібі өзгерді

Құрметті пайдаланушылар!

Қазақстанның микроқаржы ұйымдарының жұмысына өзгерістер мен толықтырулар енгізілді. Олар клиентпен жасалатын шарттың мазмұнына, ресімделуіне және міндетті шарттарына қойылатын талаптарды, сондай-ақ микрокредитті өтеу кестесінің нысандарын қамтиды. 

Сонымен, МҚҰ мен клиенттің арасында сотқа дейін реттеу рәсімі белгіленеді. Микроқаржы ұйымы бұдан былай қарыз алушыны микрокредит бойынша мерзімін кешіктіру туындаған күннен бастап күнтізбелік 15 күннен кешіктірмей оның туындағаны туралы хабардар етуге міндетті. Бұл ретте қараз алушы төлеу мерзімі өткен күннен бастап күнтізбелік 30 күн ішінде МҚҰ-ға  берешекті өтеу мәселесін реттеу туралы өтініш жасауға құқылы.

Сотқа дейін реттеу рәсімін белгілеу әлеуметтік шиеліністі төмендетуге және проблемалық міндеттемелердің өсу тәуекелін азайтуға мүмкіндік береді.

Қарыз алушының өтініші болмаған және/немесе онымен келісімге келмеген жағдайда МҚҰ нотариустың атқарушылық жазбасы  негізінде берешекті өндіріп алуға құқылы екенін мәлімет үшін атап өтеміз.

Жаңа қағидалар бойынша шарттың титулдық парағында енді шарттың күні, микрокредит сомасы, пайыздық мөлшерлеме, шартты орындау мерзімі және басқа да міндетті талаптар міндетті түрде жазылады.
 

• 20.11.2020
• 396