Биыл Түркістан облысында 21 мектепті тапсыру жоспарланып отыр

Түркістан облысында құрылысы ұзаққа созылған мектептерге жауапты мердігерлермен келісімшарт бұзылады. Бұдан былай жұмысына жауапсыз қараған жосықсыз мердігерлермен жұмыс жалғаспайды. Олардың өз міндетін қалай орындағаны сараланып, қырағы қадағалауда болады.  Апталық аппарат отырысын өткізіп, білім нысандарының құрылысын мұқият бақылауды тапсырдым.

Түркістан облысында биыл 59 мектептің құрылыс жұмыстарын жүргізуге 20,7 млрд. теңге қаржы қаралған. Жыл соңына дейін 59 мектептің 21-ін пайдалануға беру жоспарланған. 32 мектепті күрделі жөндеуден өткізу үшін жалпы 4 млрд. теңгеден астам қаражат қаралған. Жыл соңына дейін олардың жартысы толық жөндеуден өтеді. Құрылысы кестеден қалып қойған мектептерді қайта тексеру керек. Өңірде оқушылардың алаңсыз білім алуына жағдай жасалуы қажет. Бұл бағытта жұмыс жалғаса береді.

• 06.09.2022
• 292