Созақ тұрғындарымен кездестім

Созақ ауданына жұмыс сапарымен барып, ауданның тыныс-тіршілігімен таныстым. Жергілікті тұрғындармен жүздесіп, пікірлестім.
Кездесуде жұмыс орындарын ашу, мектепке қатынайтын көлік мәселесі, ауыл шаруашылығы, табиғи газ сияқты түйіткілді мәселелер қозғалды. 
Кездесуден кейін тұрғындарды жеке мәселелері бойынша қабылдадым. Көтерілген мәселелер қараусыз қалмайды.
Сонымен қатар, аудандағы бірқатар нысанда болдым. Аудан орталығында ардагерлер мен мүмкіндігі шектеулі жандарға арналған «Белсенді ұзақ өмір және Тең қоғам» әлеуметтік қызметтер көрсету орталығы ашылды. Орталық мүгедектерге және олардың отбасыларына психологиялық көмек көрсетеді, жұмысқа орналасуға жәрдемдеседі. Орталықта дене шынықытыру, емдік массаж, көңіл сергіту шаралары, зиятркерлік ойын түрлері мен рухани- танымдық шаралар өткізуге жағдай жасалған. Бұндай орталықтар барлық аудандардан ашылуда.
Сонымен қатар, бүгін аудандық қорғаныс істер жөніндегі бөлімінің қосымша жаңа ғимараты ашылды.
Аудан халқының әл-ауқатын жақсартуға барлық күшімізді саламыз.

• 08.09.2022
• 308