Мемлекетке 21 млрд теңге өндірілді

Мемлекет басшысының тапсырмасы бойынша ағымдағы жылдың басында прокуратура органдары кеден саласына тексеру жүргізді.  

​Сыртқы экономикалық қызметтің жекелеген қатысушылары Қытай Халық Республикасынан тауарларды әкелу нарығын монополияландырып алған.

Импорттаушылар тобы кедендік төлемдерді төлеуден жалтару үшін 2019-2021 жылдары Қазақстан Республикасындағы Кедендік реттеу туралы кодекстің талаптарын бұзып, әкелінетін тауарлардың құнын жүйелі түрде төмендетіп отырған.

Бас прокуратураның ұсынуы бойынша Мемлекеттік кірістер комитеті 10 компанияға 107 млрд теңге кедендік төлемдер мен салықтарды қосымша есептеу туралы хабарлама берді.

​Анықталған бұзушылықтар бойынша Қылмыстық кодекстің 236-бабы – кедендік  төлемдер мен салықтарды төлеуден жалтару бойынша сотқа дейінгі тергеп-тексеру басталды.

Бүгінде қабылданған шаралардың нәтижесінде «Tex Alliance», «Almobi Group», «Ехргеѕѕ Кеден Сервис», «Group of the companies TDA», «Ai-To Progress», «Global Logistics Ved» және «TL NIKA кеден» ЖШС бюджетке 21 млрд теңге қайтарды.

​Қалған сомаларды өндіріп алу жұмыстары жалғасады.

• 08.09.2022
• 312