Шағын бизнес экспорттық қызметтің қыр-сырын үйретеді

QazTrade Еуропалық Одақтың қаржылық қолдауымен Халықаралық сауда орталығымен бірлесіп қазақстандық экспорттаушылар үшін тренингтер сериясын жалғастыруда.

Қазақстанда шикізаттық емес экспорттаушыларға кешенді қолдау көрсету міндеті қойылған. Бұл ретте шағын және орта бизнес субъектілерін қолдауға баса назар аударылады. Оның ішінде шетелдік нарықтарға шығу бойынша алғашқы қадамдар жасайтын немесе өз экспортының географиясын кеңейтетін кәсіпорындар бар.

Экспортты мемлекеттік қолдау және дамыту шараларының бірыңғай операторы «QazTrade» АҚ Еуропалық Одақтың қолдауымен Халықаралық сауда орталығымен бірлесіп, ағымдағы аптада Орал мен Ақтөбеде қазақстандық кәсіпкерлер үшін халықаралық сауда мәселелері бойынша бірқатар тренингтер өткізді.

Кәсіпкерлерге халықаралық сауда ережелерінің ерекшеліктері, экспорттық тәуекелдер, сертификаттау, стандарттарға сәйкестік және келісімшарт ерекшеліктері туралы айтылды.

- Біздің міндетіміз кәсіпкерлерге экспортқа шығу үшін өз күштерін бағалауға және халықаралық нарықтарға шығуды жеңілдетуге көмектесетін білім жиынтығын беру. ШОБ-тан еуропалық нарыққа шығу, еуропалық техникалық реттеу жүйесі бойынша көптеген сұрақтар келіп түсуде, - деп хабарлады жоба үйлестірушісі, QazTrade халықаралық интеграция департаментінің директоры Амирбекова Айнур.

Тренингке қатысушылар іс-шараларға өз бағаларын берді:

Әсел Кереева, Ақтөбе қаласындағы әйелдер клубы:

- Тікелей тілдесу форматы тек кәсіби спикерлерден ғана емес, сонымен қатар кәсіпкер әріптестерден де көп жаңалық білуге мүмкіндік берді. Тренингте тәжірибе алмасу өте нәтижелі болды: теория мен практиканы біріктіру. Осыдан тренинг, менің ойымша, одан да пайдалы болды.

Эльмира Кабинова, «Баунер» ЖШС (ғимараттардың қасбетін салу кезінде пайдаланылатын алюминий профильдерін өндіру және сату):

- Біздің компания жас. Бірақ біз Қазақстанның ішкі нарығында орнығып үлгердік және экспорттық бағытты күшейтуге ниеттіміз. Біз Өзбекстанға алғашқы экспорттық жеткізілімді жүзеге асырдық. Біз бірінші тәжірибе алдық, бірақ көп емес. Бірақ бұл жақын шетел және бұл нарық, бір-бірімен байланысты, сондықтан салыстырмалы түрде түсінікті. Біз оған өз бетімізше қарай алдық. Бірақ қазір біз жеткізу географиясын кеңейткіміз келеді. Бізге қолдау керек, еуропалық нарықтарға қалай шығу керектігі туралы көбірек білім алғымыз келеді. Тренинг өте пайдалы болды. Ақпарат әрдайым әртүрлі сайттарда болғанына қарамастан, тірі интерактивті байланыс әлдеқайда тиімді: бұл басқа экспорттаушылардың тәжірибесін зерттеуге, көбірек ақпарат алуға мүмкіндік берді.экспортқа қалай дайындалу керек, қажетті ақпаратты қайдан алуға болады, оны қайдан іздеу керек. Себебі бұған дейін, өкінішке орай, біз дереккөздерде жиі шатастыратынбыз, оны анықтай алмаймыз. Мұнда бізге өз өнімдерімізді тауып, ақпарат ала алатын нақты сайттар, тізілімдер айтылды.

Орал және Ақтөбе қалаларындағы тренингтерге 25 компания қатысты. Алдағы уақытта кәсіпкерлермен Қызылорда, Тараз және Алматы қалаларында тренингтер өткізу жоспарланған. Бұған дейін тренингтер Шымкент пен Нұр-сұлтан қалаларында да өткен болатын.

«QazTrade» АҚ жоба шеңберінде экспорттаушылар үшін «QazTrade academy» тегін оқыту бағдарламаларын жүргізеді.

Осылайша, 10 қарашаға дейін барлық дайындық деңгейіндегі экспорттаушыларға, ірі, орта және шағын бизнес өкілдеріне, салалық қауымдастықтар мен бизнес-қоғамдастықтарға, сондай-ақ экспорттық қызметті жүргізу саласында жаңа дағдылар мен білім алғысы келетіндерге бағытталған «Ақылды экспорт 2.0»  тегін бизнес-практикумы өтеді. Практикум шеңберінде Алматы, Шымкент және Нұр-Сұлтан қалаларында тақырыптық онлайн-вебинарлар мен семинарлар өткізіледі.

2021 жылы «Ақылды экспорт» бизнес-практикумына 200-ден астам экспорттаушы компаниялардан 900-ден астам қатысушы қатысты. Олар 23 жаттықтырушымен, халықаралық және жергілікті сарапшылармен 8 күндік онлайн оқыту курсынан өтті.

«QazTrade academy» тренингтерінің барлық материалдары  мына оқыту порталында орналастырылады: https://www.qaztradeacademy.kz/.

• 09.09.2022
• 300