«Бөген» су қоймасының жөндеу жұмыстарымен таныстым

Ордабасы ауданына арнайы барып, «Бөген» су қоймасында жүріп жатқан ағымдағы жөндеу жұмыстарының жай-күйімен таныстым. Жауапты сала басшыларының баяндамасын мұқият тыңдап, нысанды мерзімінде сапалы етіп тапсыру талабын қойдым. Қауіпсіздікті сақтау - басты мақсатымыз. 
Стратегиялық маңызы бар нысанның жөндеу жұмыстары аса үлкен жауапкершілікті талап етеді. Сондықтан жауаптыларға қойылар талап та күшті. Жөндеу жұмыстарының әр сатысы жан – жақты әрі тұрақты бақылауда болады. 1967 жылы салынған «Бөген» су қоймасы су шаруашылығы нысандары стратегиялық объектілер тізбесіне жатқызылған. Сыйымдылығы – 370 млн текше метрді құрайды.  Өңірдің ауыл шаруашылығы үшін су қойманың берері мол.
Түркістан облысы ауыл шаруашылығының бай аймақтарының біріне жатады. Республикадағы суармалы жерлердің 3/1 бөлігі облысқа тиеселі (548,2 мың гектар) және  70 мың агроқұрылымдарда 180 мыңға жуық адам еңбек етеді.

• 12.09.2022
• 261