ЕАТ өзара бағалау қарсаңында ВАЖТ отырысы туралы

2022 жылғы 13 қыркүйекте Қазақстан Республикасын Қылмыстық кірістерді заңдастыруға және терроризмді қаржыландыруға қарсы іс-қимыл бойынша Еуразиялық топтың ұлттық қылмыстық кірістерді жылыстатуға және терроризмді қаржыландыруға қарсы (КЖ/ТҚҚ) жүйесінің ФАТФ ұсынымдарына сәйкестігі тұрғысынан көшпелі миссиясына дайындау мәселелері жөніндегі ведомствоаралық жұмыс тобының отырысы өтті.

Отырысқа КЖ/ТҚҚ жүйесіне қатысушы 20-ға жуық мемлекеттік, құқық қорғау және арнайы органдар, сондай-ақ Ресей Федерациясынан, Беларусь Республикасынан, Өзбекстан Республикасынан және Люксембург Ұлы Герцогтігінен ЕАТ сарапшы-бағалаушылары қатысты.

ЕАТ атқарушы хатшысы С.А. Тетеруков КЖ/ТҚҚ жаһандық жүйесінің жауапты қатысушысы ретінде Қазақстанның Еуразия өңіріндегі маңызды рөлін атап өтті.

Өз кезегінде, Президент Әкімшілігі Басшысының бірінші орынбасары Т.М. Сүлейменов ел үшін өзара бағалаудың маңыздылығын атап өтті. Ол Қазақстанның өңірлік қауіпсіздікті қамтамасыз ету жолындағы ЕАТ-тың барлық бастамаларына үлкен назар аударатынын атап өтті.

Сондай-ақ, АФМ Төрағасы Ж.К. Элиманов, Бас Прокурордың орынбасары У.С. Байжанов және АХҚО Басқарушысы К.Н. Келімбетов баяндама жасады.

АФМ төрағасы Ж.К. Элиманов алдыңғы Өзара бағалау аяқталған сәттен бастап Қазақстанда ұлттық КЖ/ТҚҚ жүйені жетілдіру бойынша бірқатар реформалар іске асырылғанын атап өтті.

ФАТФ ұсынымдарын ұлттық заңнамаға имплементациялау бойынша ауқымды жұмыс жүргізілді. 2021 жылдан бастап базалық заңға екі рет түзетулер енгізілді. Жалпы, 3 кодекс, 13 заңнамалық және 20 заңға тәуелді актілер өзгерістерге ұшырады.

Тәуекелге бағытталған тәсілді енгізу КЖ/ТҚҚ жүйесінің барлық қатысушыларының жұмысын нәтижеге бағыттауға мүмкіндік берді.

Барабар реттеушілік режимді қалыптастыру, қаржы мониторингі субъектілерінің парасаттылығын дамыту, олардың қызметінің ашықтығын қамтамасыз ету үшін жағдайлар жасалды.

Үш апта бойы ЕАТ сарапшылары АЖ/ТҚ саласындағы қауіптер мен осалдықтарды анықтау, сондай-ақ оларды жою бойынша өздері қабылдайтын шараларды бағалау үшін ҚЖ/ТҚҚ жүйенің қатысушыларымен кездеседі.

Өзара бағалау нәтижелері елдің инвестициялық климатына, сондай-ақ КЖ/ТҚҚ жүйесін одан әрі қалыптастыру мен дамытуға үлкен әсер ететін болады.

• 13.09.2022
• 275