Жаңа астаналық саябақтың орталық элементі «Өмір ағашы» болады.

✅Елордамыз күннен күнге көркейіп келеді. Бүгін Әлемдік және дәстүрлі діндер лидерлерінің VII съезінің делегаттарымен, ҚР Парламенті Сенатының төрағасы Мәулен Әшімбаевпен, еріктілермен бірлесіп, жаңа парктің капсуласын салдық. Әлемдік және дәстүрлі діндер лидерлерінің VII съезі делегацияларының санына сәйкес 60-тан астам ағаш отырғызылды.
«Бейбітшілік және келісім» саябағы деп аталатын жаңа саябақ Есіл өзенінің бойында бой көтереді. Парк тұжырымдамасы әлемдік және дәстүрлі діндер лидерлерінің VII съезінің негізгі идеясымен астасып жатыр.
Жаңа астаналық саябақтың орталық элементі «Өмір ағашы» болады. Бұл құрылыс күмбез түрінде жасалады, оның ортасында емен ағашы орналасқан. Маңайы ағаш шиыршықпен өріліп, фонтанмен бірге үйлесім тауып, құлпырып тұр. Күмбез бір аспан астындағы әлемді бейнелейді. Онда дүниенің төрт бұрышын білдіретін төрт кіру аймағы болады. Күмбез қабырғаларында дүниенің жаратылуынан, Қазақстан тарихындағы оқиғалардан сыр шертетін бейнелер, сол сияқты әйгілі ежелгі жартас суреттері – петроглифтер салынады. Саябақ Қазақстандағы түрлі конфессиялар мен ұлттар арасындағы ынтымақтастықты, достық пен бірлікті білдіреді.
«Бейбітшілік және келісім» саябағы қала тұрғындары үшін демалыс орнына ғана емес, елорданың тартымды орындарының біріне айналады. Парктің құрылысын аяқтау және оны пайдалануға беру 2023 жылға жоспарланып отыр.

• 16.09.2022
• 332